Kitab haqqında qısa məlumat

Azərbaycan Atabəylər dövlətinin qurucusu Şəmsəddin Eldəniz ağlı, zəkası və cəsarəti ilə tariximizin ən görkəmli şəxsiyyətlərindən biridir. 11 yaşında qul olaraq İraq Səlcuqlu sultanlığının sarayına satılan Eldəniz məhz bu ağlı və cəsarəti sayə­sində parlamış, qulamlıqdan atabəyliyə yüksəlmişdir. Eyni zamanda Azərbaycanın siyasi-hüquqi cəhətdən təşəkkül tapması da ilk dəfə məhz onun adı ilə bağlıdır.

Tanınmış tarixçi Əkbər N.Nəcəfin sizə təqdim olunan bu kitabı Atabəy Şəmsəddin Eldənizin həyat və fəaliyyəti ilə bağlı bir-birindən maraqlı faktlarla zəngindir. Əsərdə həmçinin o dövrün ictimai-siyasi və sosial-mənəvi mənzərəsi ilə də yaxından tanış olmaq mümkündür. Geniş oxucu kütləsi üçün nəzərdə tutulan kitabın Eldəniz və Azərbaycan atabəyliyi barədə qiymətli elmi mənbələrdən birinə çevriləcəyinə şübhə yoxdur.