Kitab haqqında qısa məlumat

Azərbaycan türklərinin son 100–150 il­lik tarixində öz dərin zəkası ilə seçilən kifayət qədər dahi şəxsiyyətlər olmuşdur. Lakin bu fövqəladə şəxsiyyətlərin fonunda belə Əhməd bəy Ağaoğlu təkcə erudisiya və zəkası ilə deyil, həm də fədakarlığı ilə seçilən, sözün birbaşa mənasında bir əlində qələm, bir əlində silah öz əqidəsi uğrunda sonadək mübarizə aparan nadir şəxsiyyətlərdəndir.

Azərbaycan cəmiyyətində milli məfkurə toxumlarını səpərək soydaşlarının bir millət olaraq formalaşması prosesində Ağaoğlunun xidmətləri misilsizdir.

Görkəmli tarixçi Aydın Balayevin sizə təqdim olunan bu əsərində Əhməd bəyin maraqlı olduğu qədər də çətin və keşməkeşli həyat yolunun əsas mərhələlərinə işıq salınır. Heyrətamiz faktlarla zəngin olan kitab səlis dildə yazılıb və birnəfəsə oxunur.