Tanınmış ingilis yazıçısı və ictimai xadimi Ceyms Oldric Avstraliyada anadan olmuşdur. 14 yaşından qəzetlər üçün məqalələr yazmağa başlamış, daha sonra İngiltərəyə gələrək Oksford Universitetinə daxil olmuşdur. Həmin dövrdə London qəzetləri ilə əməkdaşlıq etmiş, dünyadakı siyasi prosesləri yaxından izləmişdir. II Dünya müharibəsi illərində Norveç, Yunanıstan, Misir, livan, İran və digər ölkələrdə müxbir kimi fəaliyyət göstərmişdir. "Şərəf məsələsi", "Dəniz qartalı", "Bir çox insanlar haqqında", "Sonuncu düym", "Diplomat" və s. əsərlərin müəllifidir.
"Sonuncu düym" hekayəsinin qəhrəmanı olan on iki yaşlı Ben atası ilə birlikdə balaca təyyarədə kimsəsiz sahilə enir. Sükan arxasında olan atası uçuş zamanı oğluna təyyarə idarə etmənin bəzi sirlərini öyrədir. Ben heç ağlına da gətirə bilməzdi ki bu öyrəndikləri tezliklə ona çox lazım olacaq.