Kitab haqqında qısa məlumat

Realizm dövrünün novella ustadı, məşhur fransız yazıçısı, Fransa Akademiyasının üzvü Prosper Merime yaradıcılığa 20 yaşında yazdığı “Kromvel” tarixi dramı ilə başlamışdır. Yazıçının yeganə böyük romanı “IX Karl dövrünün xronikası”dır. Bu əsərdə o, Varfolomey gecəsi (protestantların vəhşicəsinə qətliamı – 1572) hadisələrini təsvir edir. Lakin Merimeni bütün dünyada məşhurlaşdıran onun “Karmen”, “Kolomba”, “Mateo Falkone”, “Tamanqo” əsərləridir. “Karmen” novellasının motivləri əsasında balet, opera, teatr tamaşaları səhnələşdirilmiş, filmlər ekranlaşdırılmışdır.