Kitab haqqında qısa məlumat

Böyük qırğız yazıçısı Çingiz Torekuloviç Aytmatov (1928–2008) təkcə sovet məkanında deyil, dünya miqyasında da tanınan və sevilən ədiblərdəndir. İlk əsərini 1952-ci ildə dövri mətbuatda çap etdirmiş, 1956-cı ildə isə ona dünya şöhrəti qazandıran “Cəmilə” povesti işıq üzü görmüşdür. Bundan başqa yazıçının “Əsrə bərabər gün”, “Əlvida, Gülsarı”, “Çingizxanın ağ buludu”, “İlk müəllim”, “Dağlar düşəndə”, “Ağ gəmi”, "Qiyamət" adlı roman və povestləri, eləcə də bir çox hekayələri oxucular tərəfindən böyük maraqla qarşılanmışdır. Əsərləri dəfələrlə ekranlaşdırılıb.